ԱՄԵՆ ԻՆՉ ՀԱՅՏՆԻ Է ԵՎ ԳՐԱՆՑՎԱԾ Է…

Պոեզիա > ԵՐԲԵՔ ՉՄԵՌՆԵՍ - ԱՀԱ ԹԵ ԻՆՉ ԿԱՍԵՄ ՔԵԶ

Ամեն ինչ հայտնի է և գրանցված է համապատասխան

մատյաններում` երբ և որտեղից է

նոր ջրհեղեղը սկսվելու,

երբ և քանի օրում է աշխարհը նորից թաղվելու

վեզուվների և էթնաների հրահեղուկ լավայի տակ,

ովքեր և հանուն ինչի են հաղթելու III և հետագա բոլոր

համաշխարհային պատերազմներում…

Իսկ առայժմ 2010 թ. փետրվարի 28-ն է,

առավոտյան ժամը յոթը,

և բացարձակապես հայտնի չէ, թե ինչ է լինելու

ընդամենը հինգ րոպե հետո,

երբ աշխարհի մի կեսը կարթնանա քնից,

իսկ մյուս կեսը նոր է միայն պատրաստվում

քնելու…