ՁՄԵՌ

Պոեզիա > ԱՆՁՐԵՎ ՄԻ ՏԽՈՒՐ ԱՌԻԹՈՎ

Որպեսզի ինչ-որ հրաշք պատահի,

ես թողեցի ծխելս:

Լուսամուտից դուրս եմ նայում

և ջղայնացած գնում-գալիս:

Սև կատու անցավ փողոցով,

հետո ձյուն եկավ,

իսկ ինչ է լինելու հիմա:

Ուռենիներ,

կանաչ ուռենիներ:

Խանութից դուրս եկավ մի պառավ կին՝

զամբյուղում կաթի շշեր:

Մի ուրիշ սև կատու անցավ,

տրամվայ անցավ զնգզնգոցով՝

լույսերը պայծառ վառված:

Հետո անցավ մի գեներալ՝

ձեռքին մանկական հրացան:

Հետո ես նորից ջղայնացած

սենյակով սկսեցի գնալ-գալ:

Հետո վառեցի ծխախոտը

և հուսահատված նստեցի: