ՄԱՐԴՈՒՑ ՄԻԼԻՈՆ ՏԱՐԻ ԱՌԱՋ…

Պոեզիա > ԵՐԲԵՔ ՉՄԵՌՆԵՍ - ԱՀԱ ԹԵ ԻՆՉ ԿԱՍԵՄ ՔԵԶ

Մարդուց միլիոն տարի առաջ

անիվի գյուտն արել է

սովորական բզեզը,

որը թրիքից փոքրիկ գունդ սարքած

անիվի պես գլորելով այն տարել է

իր խորշը որպես ձմռան պաշար,

ամենևին չմտածելով իր գյուտը

                                   գրանցելու,

նոբելյան և զանազան

այլ կարգի մրցանակներ

ստանալու մասին,

և փառքի մասին չմտածելով ամենևին:

Եվ ընդհանրապես` չմտածելով ամենևին: