ՏԽՈՒՐ ԼՈՒՐԵՐ ՓԱՐԻԶԻՑ

Պոեզիա > ԵՐԿՈՒ ՋՐՀԵՂԵՂԻ ԱՐԱՆՔՈՒՄ

Անսովոր ցրտեր են Փարիզում: Վեց մարդ է սառել

փողոցում: Մյուսները թեթև հազում են:

Լուվրում Մոնա Լիզայի դեմքից

սահել է ժպիտը սառած և ընկել,

փշուր-փշուր է եղել հատակին:

Եվ մի այցելու է ուշաթափվել հենց նույն այդ

Լուվրում հենց նույն այդ պահին`

տեսնելով սարկոֆագի մեջ փարավոնին պառկած`

վիթխարի քուրքը հագին`

«Գրական թերթ» կարդալիս…