ԴԵՄՈԿՐԱՏԻԱ

Պոեզիա > ԵՐԲԵՔ ՉՄԵՌՆԵՍ - ԱՀԱ ԹԵ ԻՆՉ ԿԱՍԵՄ ՔԵԶ

Արջը հեծանիվ էր քշում,

թութակը ոտանավորներ էր արտասանում,

կապիկները սիրահետում էին իրենց վարժեցնողին,

լարախաղացը ճարպկորեն թռչկոտում էր լարի վրա…

Հետո հանկարծ ամեն ինչ փոխվեց միանգամից,

և հիմա

արջը ոտանավոր է արտասանում,

թութակը հեծանիվ է քշում,

կապիկները թռչկոտում են լարի վրա,

լարախաղացը ճարպկորեն սիրահետում է իրեն վարժեցնողին:

…Ինչ-որ բան է փոխվել ժողովրդի մեջ – ծիծաղելով նկատեց ծաղրածուն

Ծիծաղելով ինչ- որ բան է փոխել ծաղրածուն – նկատեց ժողովուրդը…

[sharify]