ԳԻՇԵՐ

Պոեզիա > ԵՐԳԵՐ ԱՌԱՆՑ ԵՐԱԺՇՏՈՒԹՅԱՆ

Մատները խփվեցին կիթառի լարերին

և իսկույն աստղեր ցրվեցին երկնքով.

– Էխ դու հիմար, հիմար աղջիկ Սիլվի:

……………………………………………………..

Փակված սրճարանում հեծկլտում են շշերը:

Ճանապարհորդն անցավ գլուխը բռնած:

– Էխ դու հիմար, հիմար աղջիկ Սիլվի:

…………………………………………………….

Նրանք բոլորը երգում են քեզ համար,

նրանք բոլորը խփում են կիթառի լարերին:

Ել դուրս պատշգամբ, նայիր

ճանապարհորդը գնում է սև թիկնոցի մեջ փաթաթված:

Եվ նրա հետևից ցախավելներն են ցատկոտում ու քրքջում.

– Էխ դու հիմար, հիմար աղջիկ Սիլվի:

Ել դուրս պատշգամբ, նայիր

ճանապարհորդը գնում է սև թիկնոցի մեջ փաթաթված:

[sharify]