35. ՄԱԵՍՏՐՈՆ ՀԱՍԱՐԱԿԱԿԱՆ-ՔԱՂԱՔԱԿԱՆ ԳՈՐԾՈՒՆԵՈՒԹՅՈՒՆԻՑ ԱԶԱՏ ԺԱՄԵՐԻՆ ԶԲԱՂՎՈՒՄ Է ԹԱՐԳՄԱՆՈՒԹՅԱՄԲ: ԱՀԱ ՄԻ ՔԱՆԻ ՆՄՈՒՇ ՀԻՆ ԻՍՊԱՆԱԿԱՆ ԱՆՀԱՅՏ ՀԵՂԻՆԱԿՆԵՐԻ ԷՊԻԳՐԱՄՆԵՐԻՑ՝ ՄԱԵՍՏՐՈՅԻ ԹԱՐԳՄԱՆՈՒԹՅԱՄԲ

Արձակ > ՔԱՋ ՆԱԶԱՐ, ԶՐՈՒՅՑՆԵՐ ՄԱԵՍՏՐՈՅԻ ՀԵՏ

ՏԱՊԱՆԱԳԻՐ

Աստ հանգչի մի բժիշկ՝ դահիճ

ամենակործան,

Իր բուժումով մարդ չթողեց քաղաքում,

դարձել էր փորձանք,

Եվ մնալով մենակ, ստիպված ինքն իրեն

«բուժեց»

Եվ դարձավ ամենավերջին զոհը, որն

իր ձեռքով տուժեց…

 

—-

Անվերջ գոռում էր կուզիկ Տորոբան.

«Հավասարություն՝  միայն ու միայն…»:

Եվ հարց տվեցի, ի վերջո նրան.

«Կուզի՞կ ես ուզում սարքեն բոլորին,

Թե՞ ծառից կախ տան կուզերին համայն…»:

 

—-

Միգելն իր շալվարն արդեն ցնցոտի

Հպարտ նվիրեց մի խեղճ անցորդի:

Զննեց սա, ասաց. «Օ՜, իմ տեր բարի,

Հագել ես , վայ թե, մի հարյուր տարի»:

Երդվեց Միգելը. «Լո՜ւյսս խավարի,

Երկու անգամ եմ հագել իմ կյանքում.

Առաջին անգամ լոկ յոթը տարի,

Իսկ երկրորդ անգամ՝  հազիվ տասներկու…»:

 

—-

Ժլատ Միգելի աչքը փչացավ

Հիվանդությունից մի սարսափելի,

Գնաց բժշկի: Բայց հենց իմացավ

Հինգ հարյուր դուկատ պիտի վճարի,

Վայնասուն դրեց. «Մի աչքի համար

Հինգ հարյուր դուկա՞տ պիտի վճարեմ,

Առողջ աչքս հիմա ես կվաճառեմ,

Թե առնող ճարեմ…»: